你需要1隻全蛋、100克普通麵粉。將篩過嘅麵粉放入大碗，中間挖個窿，就好似個火山口咁。打隻蛋落去，用义篤穿蛋黃，慢慢打圈，將麵粉慢慢混入蛋汁；直至完全混合為至。跟住放啲乾麵粉喺枱面，放上麵糰，用手搓幾下。放番入碗，用保鮮紙包好，放入雪櫃，等30分鐘。咁就可以擀薄麵糰，最好當然係用意粉機，無嘅話，用擀麵棍、或者紅酒樽都得。擀到最薄，兩邊撒上麵粉，圈到好似蛋卷咁，切成麵條。趁新鮮，煲煲滾水，落一大羹鹽，煮兩分鐘就得。趁熱，撈入熱醬汁，食得。

http://www.facebook.com/todaycooking