土匪雞嘅主要材料係孜然，無孜然就唔係土匪雞喇！ 材料：小妹揀咗雞下脾，因為感覺上比雞翼健康啲，而且啖啖肉。醃料方面都係少少鹽、少少糖、豉油、胡椒粉、麻油同酒咁。仲要加少少孜然粉；只要少少就得，份量同胡椒粉差不多。因為小妹研究過孜然係要喺食物煮到八、九成熟至落係最香、最好味嘅！醃半個鐘。 爆香兩片薑、一粒蒜頭，將雞下脾用中火煎香。見到開始轉熟，就不時落啲孜然粉，直至煎熟為止。想再香啲，可以加啲芝麻炒多幾吓。

http://www.facebook.com/todaycooking