鮮淮山雞札 年紀越來越大就開始越注重飲食健康，應該話由小就要開始，今次我就整咗呢個鮮淮山雞札雖然工夫稍多但同酒樓食嘅又唔同食法！⋯⋯ 材料： 鮮淮山一枝 鮮雞肉適量 冬菇三隻 翠肉瓜適量 杞子適量（先浸洗） 獻汁： 蠔油/鹽/生粉水 餣料： 糖/薑汁/生抽/鹽/麻油/ 生粉/油 做法： 先將冬菇浸軟加糖/鹽/小小蠔油/油撈勻蒸熟，雞肉除油外全部加入拌勻之後再加油拌勻餣半小時。 淮山洗淨用小刀括去表皮（鮮淮山有好多黏液去皮時可放在水裡或帶上手套做）用刨刨出片狀如圖，刨出淮山要放入清水浸以防養化變黑。 以上材料準備好就可以卷，卷好雞扎排在碟中加上杞子大火蒸八分鐘左右加個薄獻汁就可以。