1.鮮蜆用鹽水浸1-2小時吐沙，刷淨瀝乾水，下調味料醃一會。海蝦用少許鹽洗淨，剪去頭部尖角、鬚及去腸。白蘿蔔去皮切薄片，豆腐卜汆滾水去點油，順便煮至半軟，不怕油可以省略。

2.玫瑰鍋下點油，爆香薑片，下蘿蔔略煎至微黃，下豆腐卜，再加入7-8湯匙清雞湯，即大概鍋底有少許就夠，滾起加蓋小火炆煮7分鐘，由於蘿蔔本身會出水，煮至水份差不多蒸發掉，及蘿蔔8成軟身。

3.開蓋下鮮蜆，無需再添加水分，小火先煮3分鐘後再下海蝦續煮大概2分鐘，至蜆開口及蝦熟即可。有需要可以放少許鹽、糖調味。如果不下蘿蔔，只煮海鮮時間更可縮短。

4.由於每樣材料煮熟的時間不同，故此才逐步添加。如不介意某些材料煮得過熟的話，可以將所有材料一煲過放入同煮亦無不可。但若然蜆仔同蝦都一齊煮十分鐘就真的太老了，蜆4分鐘已經開晒口，而蝦2、3分鐘已經好熟。