1.1. 蔥洗乾淨，切粒

2.2. 豬排沖洗乾淨，抹乾水份，用肉鎚揼鬆豬排，再用醃料醃2小時或以上

3.3. 中火落油將薑爆香，落豬排煎至兩邊金黃色後，轉小火，會有水份出來，再用中火煎至收乾水份，煎至熟，攞起切件備用

4.4. 留鑊中油份，加入蒜頭炒香，豬排回鑊，加生抽作最後調味，最後放蔥粒快手炒勻就可以啦！

5.**醃時唔好加入鹽，會令肉質變實，醃肉嘅咸味最簡單就用魚露或豉油，或者用鹽麴/醬油麴都可以，或可以係煮之前先加鹽入肉中，咁醃時又唔會過咸或肉質變硬嘅可能 **醃豬排時加入少少水，煎時就唔會太乾 **豬排可以買梅頭，柳梅，水柳，呢啲位置都係平時我用來煎或炒 **如果想肉質更加嫩滑，可以加入1隻蛋白同醃，不過我唔想專登打一隻蛋，就用多少少生粉來醃，生粉可以令肉質變得鬆軟 **煎豬排先用中火煎封兩邊至金黃色，再轉小火煎熟，亦可以用蓋煎焗，咁樣啲肉就會多汁啲，唔會煎到乾，或煎到燶 **以上嘅技巧都係我用慣比較方便嘅方法，純粹作參考之用吧