1.1. 辣椒洗乾淨，放平係架子上面風乾，一定要完全乾爽！

2.2. (記得帶手套) 用較剪將辣椒剪成粒粒，辣椒掟就唔要

3.3. 乾鑊大火將辣椒粒炒香，同時可將辣椒本身水份揮發出來，過程約5-10分鐘

4.4. 將生抽加入辣椒中一同煮滾，滾5分鐘，熄火

5.5. 待涼後就可以入樽，放入雪櫃保存好，用時適量取出就可以，匙羹一定要乾淨冇油冇水份！乾淨地使用嘅話都可以保存到6個月或以上……不過通常都食完啦

6.**辣椒只要鮮紅色靚仔果啲，有爛或者軟左就唔可以用來浸。 **辣椒一定要風乾好，因為有濕嘅話浸入後就好易變壞。 **辣椒一般都用指天椒比較香和辣，街市買一大包20蚊，約500-600g左右重。 **玻璃樽放入滾水中烚3分鐘來消毒，之後再風乾/抹乾，要完全乾爽先可以用，呢個步驟我會預早一日做好！ **全部嘅用具，包括較剪、容器、鑊鏟等等，都要乾淨！