薑燒豚肉米漢堡 Rice Burger [4個份量]
2018-07-10發布By DayDayCook
食譜簡介
米漢堡，故名思義就係將兩片由米飯整成嘅「包皮」，夾住唔同嘅餡料同醬汁而成。米飯皮要做得實淨，不然一咬就成個包散晒。醬汁方面，筆者就傾向比較濃稠一啲嘅，會同比普通漢堡包乾身嘅米漢堡夾啲。餡料同配菜方面就可以好隨心，揀番您哋鍾意嘅就Okay。 薑燒豚肉米漢堡[4個份量] 小貼士： 米漢堡盡可能壓得實一啲平均啲，如果唔係烤果時會好易散開。 可將日式沙律醬唧係保鮮紙上面包好，再用牙簽拮一個小窿，就可以唧到平時食大板燒幼幼嘅沙律醬。 如果米漢堡整左食唔晒，可以用保鮮紙包好放入食物盒中，上面再加一塊濕咗水嘅萬用紙，蓋好放入雪櫃，可最多保存2日而不令米漢堡水份被完全抽乾。 詳細食譜請參考： 小米食堂
食材
洋蔥 1/2個
牛油 0適量
日式沙律醬 0適量
鹽 1/2茶匙
薑蓉 1湯匙
味醂 40毫升
珍珠米 640克
料理酒 40湯匙
糖 1.5茶匙
日式醬油 40湯匙
豚肉片 200g
烹飪步驟
1.珍珠米以電飯煲煮熟，蓋好放於室溫中冷卻備用。
2.將醬汁部份材料混合(味醂、料理酒、日式醬油、薑蓉、糖)，加入切好嘅豚肉片醃10-15分鐘。
3.洋蔥切絲，放入水中備用。
4.珍珠米加入日式醬油同鹽撈混。
5.取出約80克的珍珠米，用保鮮紙包好，壓成一塊約1厘米厚嘅米漢堡。(如果想做得靚仔啲可以用牛奶盒剪出一個1厘米厚嘅圓形環，或者去烘焙鋪買一個差唔多大少嘅圓形模。)
6.平底鑊細火塗平均上少許牛油，將米漢堡烤至乾身及微微金黃色。取出備用。
7.將洋蔥下鑊炒至半熟，加入醃好的豚肉片，煮至醬汁濃稠，就可以盛起，開始組裝。
8.米漢堡放底，鋪上生菜，加入醬汁豚肉，灑上芝麻同日式沙律醬，再將頂層米漢堡蓋上。