最近出街終於感受到一點點涼意，又係要換新裝嘅時候！我自己本身都鐘意冬天衫嘅唔同配搭 ，起比夏天多了份層次感。不過同時對冬天衫嘅要求亦比較高，特別係對衫嘅質地好執着；線衫就唔係太適合我，而毛衣呢種比較舒服嘅質地就係我嘅至愛。

今年冬天我決定走簡約主義路線，顏色方面都希望可以着多啲鮮艷少少又或者係粉色系列。就好似呢件粉紅色連身裙一樣，簡簡單單淨色，卻在剪裁上面設計獨特，特別係中間嘅腰帶令件衫更有層次；除咗修腰顯瘦之外，身材比例看上去也有加分喔！飾物方面太多反而會太累贅，所以只選擇一條黑色吊咀頸鏈。

另外，今次換新裝嘅唔止得我一個，仲有 DayDayCook Concept Studio！話說好多人都知道我哋今年轉左新 logo，但因為訂製需時嘅關係，Studio 門外一直未換上新 logo >< 啱啱新 logo 終於到咗啦～下次你哋嚟太平山街就可以見到我哋呢個七彩繽紛嘅新標誌啦！！！