我同好多女生們一樣，平時用好多護膚品，而其中我最重視嘅就係眼！霜！其實本身我嘅皮膚比較乾，又成日要飛嚟飛去，真係要花多啲心機先得 >< 由於眼霜係比較強烈嘅護膚產品，所以有時我直情會用埋係塊面度，希望可以更加滋潤。

最近睇返以前嘅相，對比近來影嘅都真係開始發現有差別...變得更成熟啦～事實上，成長係人生必經嘅階段，但女生們都會希望盡自己努力保持住美麗燦爛嘅一面吧？！所以今年即將要踏入35歲嘅我，決定要為新一年尋找一隻更強勁嘅眼霜！今次就好開心搵到 Estee Laudar 呢一個系列（我無咩時間 Shopping，所以直接走入專門店問邊一隻最有效，佢地就推介左呢一款），精華連眼霜一套，要一齊用。特別之處在於呢支精華嘅質地係油性，好薄而且好易吸收；眼霜方面就薄身得嚟好潤。依加用左一排，眼紋問題明顯有減淡，而黑眼圈方面喺唔夠訓嘅情況下亦減淡咗唔少，所以用後感係10分滿分中嘅10分啊！非常滿意好欣賞！有無人都有用過呢個組合同的有一樣同感啊？？？？？？FaceBook Inbox 話返俾我知啊～嘻嘻！