米芝莲名厨Gordon Ramsay — 一个大家唔会陌生慨名字！记得N年前有一次唔觉意见到渠慨烹饪节目，第一个感觉就系无一般名厨慨花巧、唔会出现天花龙凤慨摆盘，而且食材内容踏实，绝对唔离地！

从果刻开始我就即刻关注渠，每逢明珠台做呢位厨神慨节目，尤其系《MasterChef》，我都会一集不漏咁狂追。唔经唔觉已经去到season7 喇，每个礼拜我一定务必坐定定喺电视机面前！虽然比赛过程冇详尽话俾大家知点样去煮，但系本身如果有烹饪心得，大概都会知道整个流程做法。而且系限时比赛，真系好精彩好紧凑！

今次巧合之下知道Gordon嚟咗香港，好开心有机会能够见吓偶像，同渠倾吓计，简直开心到形容唔到！我直头紧张到连厨神都叫我放松啲，Hahaha 笑咗！当晩能够见到偶像真身之余，亦有幸试到渠旗下餐厅慨菜式！可能系英国人口味慨关系，个人认为比较浓味。当时真系有冲动想俾啲意见渠，话俾佢知咸咗少少，想渠亲自问一吓个总厨系咪唔觉意重手咗。但基于我真系太紧张又唔系太好意思慨关系，最后始终做左只唔敢发声慨淆…底…兽…

记得当晚影帝黄秋生同名模Rosemary坐我前面嗰张台，事后见到黄秋生FB 讲：「喜欢重口味慨人一定非常满意！」笑死我！即刻觉得有人和议我，yeah！好在唔系我条脷有问题咋!

#甜品都系甜到爆 #试一次就够

#重口味晚餐 #希望越大失望越大