米芝蓮名廚Gordon Ramsay — 一個大家唔會陌生嘅名字！記得N年前有一次唔覺意見到佢嘅烹飪節目，第一個感覺就係無一般名廚嘅花巧、唔會出現天花龍鳳嘅擺盤，而且食材內容踏實，絕對唔離地！
從果刻開始我就即刻關注佢，每逢明珠台做呢位廚神嘅節目，尤其係《MasterChef》，我都會一集不漏咁狂追。唔經唔覺已經去到season7 喇，每個禮拜我一定務必坐定定喺電視機面前！雖然比賽過程冇詳盡話俾大家知點樣去煮，但係本身如果有烹飪心得，大概都會知道整個流程做法。而且係限時比賽，真係好精彩好緊湊！
今次巧合之下知道Gordon嚟咗香港，好開心有機會能夠見吓偶像，同佢傾吓計，簡直開心到形容唔到！我直頭緊張到連廚神都叫我放鬆啲，Hahaha 笑咗！當晩能夠見到偶像真身之餘，亦有幸試到佢旗下餐廳嘅菜式！可能係英國人口味嘅關係，個人認為比較濃味。當時真係有衝動想俾啲意見佢，話俾佢知鹹咗少少，想佢親自問一吓個總廚係咪唔覺意重手咗！但基於我真係太緊張又唔係太好意思嘅關係，最後始終做左隻唔敢發聲嘅淆…底…獸…
記得當晚影帝黃秋生同名模Rosemary坐我前面嗰張檯，事後見到黃秋生FB 講：「喜歡重口味嘅人一定非常滿意！」笑死我！即刻覺得有人和議我，yeah！好在唔係我條脷有問題咋!
#甜品都係甜到爆 #試一次就夠
#重口味晚餐 #希望越大失望越大
閱讀更多Swank's Blog：http://bit.ly/2nlDDJm
