因為一直是全泵媽, 所以對揀奶泵有點心得, 想分享一下. 

奶泵通常分幾點:

手泵定電泵 – 個人一定推薦電泵. 手泵雖然輕, 但除非你手瓜起展, 否則泵到手軟. 我家有個手泵, 用了幾次, 只放著做後備.

單泵定雙泵 – 如果是邊泵邊埋身, 可選單泵; 如果是全泵媽, 則一定是雙泵好, 既節省時間, 又唔駛一邊泵另一邊滴那麼狼狽. 最好額外加配一個Free Hand Bra, 兩隻手free 出來可以做其他嘢.

泵的力度 – 大力啲, 吸力好啲, 快啲, 當然用電量大啲, 重啲. 所以放在家中那部是巨無霸級都不妨 (醫院那部巨無霸最好用, 不過原來好貴), 反而要一部比較輕巧的可以帶出街. 我之前用一部雖然好用, 但用10粒AA電, 每次出街, 帶泵, 電, 配件, 冰袋, 再加上我原有的手袋, 似大媽走難.

泵的頻率 – 一般分為單頻率 (似開電鬚刨)或 吸啜模式, 亦可分力度等 – 這個是最重要, 不過每位媽媽適應方式不同, 所以真係要試過先知.

揀到一個適合自己的奶泵, 人奶路簡直事半功倍. 相反, 泵量少, 有可能是個泵唔適合你, 不妨試吓第二款, 唔好太快否定自己.
 

Annie Lee－香港營養師學會 (HKNS) 認可營養師 

家有三寶, 一囡和一對龍鳳胎

任職營養師主管多年, 生Bsss後轉為私人執業營養師. 

身兼多職, 撰寫多個健康專欄, 舉辦健康講座, 為人客提供飲食營養建議,喜歡分享貼地的母嬰和育兒的經驗及營養資訊.

Facebook Page: https://www.facebook.com/AnnieLeeDiet/

更多營養師 Annie Lee的Blog：http://bit.ly/2v3H7zR