近年身邊好多朋友都鐘意趁 weekend 到曼谷或首爾走一趟，享受一下出走的自由空氣。不過去得多可能都會想轉下地方，好似我咁，今次就揀左去越南峴港旅行，放鬆一下身心。峴港係越南嘅第一級都市，位於越南中部。擁有世界文化遺產「會安古城」和世界最美麗的海灘之一的美溪海灘，峴港都真係有好多景點值得遊覽。

以前聽到去越南，一定會諗簽證好麻煩，不如去其他地方。不過依加港人領取越南簽證越來越方便，上網預先申請得，落地簽都得，咁就唔再係問題啦！至於幾時係探訪峴港嘅最好時間？我個人認為係每年嘅2月。事關5月開始到1月都是雨季，6-8月更是天氣最熱嘅日子，而最涼爽嘅月份就係12月至2月。綜合以上條件，所以2月應該是最好的選擇吧！

今次住左喺 New Orient Hotel Danang 峴港新東方酒店，離機場只係5分鐘車程，而且酒店房仲好靚，景觀夠晒開揚！夜晚去埋 sky bar 一邊飲 cocktail 一邊欣賞峴港漢江夜景，真係人生一大享受。

仲有美溪海灘，街邊小食，人力三輪車等地道體驗，同埋周邊嘅古城，巴拿山等等，真係想嚟多幾次好好欣賞一下呢個城市！額外一提，依加嚟自由行都好方便，因為市面上都有唔少廣東話導遊同包車服務。