你平時會做啲咩令自己開心，取悅自己？對我嚟講其實開心嘅理由真係可以好簡單，就係買件新衫，買對新鞋；買新嘢就好似係對自己嘅一種獎勵！最近又多左個開心嘅理由，因為我地買左好多新嘅煮食爐具，Upgrade 咗 Studio 嘅爐具做 Gorenje！Gorenje 係來自歐洲嘅頂級家電品牌，創辦至今已經68年，佢地同國際知名設計師合作開發新產品，例如有Philip Starck 同Ora-Ïto系列嘅家電。無論係爐具嘅線條美觀定係內在功能，都係「高質」之選！我諗鐘意煮野食嘅女人嚟到一個咁嘅廚房都會好開心！

趁住就嚟聖誕，我早幾日就用新嘅蒸·焗爐試煮咗「迷迭香焗斧頭扒」同「忌廉蟹肉焗新薯」，睇下呢個特大蒸·焗爐係咪真係咁好用！今次塊斧頭扒都好大塊，原本都怕放唔入個爐或者係焗得唔夠均勻。好彩放左入去都仲有好多空間，而且用左跟機附送嘅焗肉探針，插支針入肉嘅中心，另一邊就連接焗爐內壁，再調溫度，咁塊肉一到預設溫度, 焗爐就會自動熄火。方便唔駛睇火之餘又可以保持肉質喺理想鮮嫩度，就算睇文件睇到過晒時都唔怕，啱晒我！佢仲有個一條龍模式叫 step cooking,蒸完可以直接焗, 避免蒸氣流失又可以保持溫度!

廚房最重要就係啲爐具擺位方便，同埋容易操作。其實我買左個蒸·焗爐返嚟無睇過說明書，都係上網睇片學，再靠佢個輕觸式彩色螢幕指示，基本上一睇就識用。佢仲有個勁大嘅外置水箱，有成1.3公升容量，用嚟蒸大蟹蒸雞都一樣無問題！

我自己試完都好滿意斧頭扒同忌廉蟹肉焗新薯嘅味道，特別斧頭扒嘅口感，係啱啱好喺我心目中嘅鮮嫩度！用呢個 Gorenje 蒸·焗爐真係煮到好多份量嘅食物，今年聖誕 Party 可以叫多幾個 friends 上嚟開餐啦！