BB突然開始唔肯乖乖飲奶，飲幾啖就會用舌頭頂開乳頭/奶樽;或見到奶奶就手舞足度 - 不過是抗拒多於興奮。新手媽媽就會開始擔心，BB是否開始進入厭奶期，飲少咗奶會唔會唔足營養？

首先，媽媽不用太擔心，厭奶期是很多BB都會經過的階段，於3-6個月的時候都有機會出現，如每次為期一兩個星期，都屬正常。

出現厭奶期，心理，生理因素都有。想同一BB一齊愉快過渡吐奶，媽媽們不妨留意以下幾點：

心理因素：

1. 所有BB都是八卦豬
BB慢慢長大，對身邊所有事情都感到有趣好奇，飲奶時會比初生時唔專心，有少少聲音就會八八卦四圍望。可以嚐嚐飲奶前15分鍾先讓BB平靜下來，在一個舒適安靜的環境，甚至可以播放輕音樂，讓BB放鬆心情飲奶。

2. 切勿強迫餵奶
媽咪總會擔心BB飲得少奶會餓親，但BB肚餓自然會追奶飲，唔飲最大原因是唔餓（除了生病）。所以如果用奶樽餵，而BB飲剩少少，唔好勉強，可以放在暖奶器，過一陣再試餵。如果連續幾次都是相同情況，可嘗試減少每次奶量，但避免於非餵奶時間餵食，讓BB逐步適應飲奶時間。

生理因素：

1. 發牙痕
BB開始出牙仔，會想嚐嚐其他口感的副食品。如BB已到六個月大，可以慢慢開始介入副食品，如米糊，粥仔，果蓉等。

2. 未玩夠
BB同大人一樣，有消耗才會有食慾。不妨於日間多與小朋友玩遊戲，增加大小肌肉的活動量，提升食慾。

3. 奶樽不適合
用樽餵哺的BB，揀啱一個奶樽真的很重要。既要回氣快，減少肚風，奶咀形態又要同BB啱鑰匙。而如果發現BB努力吸吮依然飲得慢，有可能是奶咀口太少，可嘗試用消毒過的針刺大奶咀位，或索性換個較大B用的奶樽咀。

4. 不過，如果試過多種方法BB仍無胃口，伴隨其他症狀如體重下降，情緒不穩無故哭鬧，便便不正常等，則有可能是其他健康問題，建議找醫生或其他專業人士檢查清楚

Annie Lee－香港營養師學會 (HKNS) 認可營養師 

家有三寶, 一囡和一對龍鳳胎

任職營養師主管多年, 生Bsss後轉為私人執業營養師. 

身兼多職, 撰寫多個健康專欄, 舉辦健康講座, 為人客提供飲食營養建議,喜歡分享貼地的母嬰和育兒的經驗及營養資訊.

Facebook Page: https://www.facebook.com/AnnieLeeDiet/

更多營養師 Annie Lee的Blog：http://bit.ly/2v3H7zR