今次推介3款大紅大紫的食物，孕婦或哺乳媽媽都可以考膚下，補媽又補Ｂ！

第1位 – 紅菜頭

補媽：無論陀緊Ｂ，定係新手媽媽，都需要額外的心力及能量，紅菜頭有補血作用，因為它含錳質，能與鐵質結合成紅血球所需要的養份，淨血保肝。而它本身紅噹噹，含有超豐富鐵質，有助製造紅血球，讓細胞及腦部有足夠的氧氣，媽媽或準媽媽幾時都咁有精力啦！

補Ｂ：紅菜頭亦有豐富葉酸，幫助幼兒或胎兒脊椎發育，預防胎兒畸形。同時也幫助助胎兒或幼兒腦部發展得更好，聰明的媽媽及寶寶又點少得紅菜頭呢？

建議煮法：可加入薯仔打成濃湯

第2位 –紫菜/海帶

補媽：紫菜或海帶屬綠色鹼性食物，陀緊Ｂ時食能有助身體清理毒素，自然帶少啲毒素比BB啦。而且紫菜有1/5是纖維，更能保持腸道健康，很多孕婦都有便秘問題，紫菜或海帶也可以令媽媽更暢順。同樣含豐富鐵質，淨血保肝，幫媽媽補血氣。

補Ｂ：紫菜或海帶含豐富DHA及EPA，是幼兒或胎兒腦部發育的重要營養，想BB大個好似媽媽咁聰明伶俐，聰明媽媽平日可以整下紫菜或海帶啦！

建議煮法：紫菜是紫一餅那種煲湯用紫菜，可加入魚類來煲湯。注意：紫菜性涼，可加入1-2片薑來煮湯令湯不會太涼，如果連同魚一齊煲仲可以去一去魚腥味添！

第3位 –紅豆

補媽：紅豆最受媽媽歡迎，是因為它能去水腫，幫助準媽媽或啱啱生完或修身！此外能補氣血，也很合適各位準媽媽或媽媽。

補Ｂ：豆類本身含豐富蛋白質，又含維他命Ｂ雜、維他命Ｃ、鐵質，增強寶寶抵抗力，又幫助寶寶清熱去濕，聰明媽媽可以讓寶寶飲點紅豆水。

建議煮法：紅豆最簡單可以整成紅豆沙，媽媽及幼童都可以食，而給６個月以下的BB則能給紅豆水。

高芷欣－專業營養師

現職資深營養師，10年營養諮詢及主講營養講座經驗，曾受電視及電台訪問，編寫兒童或簡易健康食譜。同時專責於食品及保健品進口及註冊

背景：畢業於香港中文大學食品及營養科學課程

Facebook Page: https://www.facebook.com/tyhealthdiary

Instagram: https://www.instagram.com/simplecook_3steps

更多營養師 高芷欣的Blog：http://bit.ly/2wP87VG