有睇開我個Page嘅朋友都應該知道，言妹妹超級為食！作為媽媽的確唔需要擔心吃貨女孩唔食野，但太過吃貨亦係一個「快樂的煩惱」。

當孩子接觸到邪惡嘅零食世界，甚至會食到無胃口食正餐！我唔會完全拒絕零食，因為好多時人地請言妹妹食野都係一番好意，特別係返學真係勁多零食誘惑！與其禁止零食，我寧願揀返D好味又有益嘅零食作代替品。出街總會帶一兩包，仲可以請其他小朋友食！

1. Yogurt melt 

勁好味嘅凍乾水果乳酪塊！

成分天然＋有機，係糖果好好嘅代替品。

2. 波波米

小朋友都係鍾意爽脆卜卜嘅零食，波波米脆得黎又比較淡味，而且可以加奶變成糊仔，比一般零食飽肚。言妹妹由6個月大到依家兩歲幾都好鍾意！

3. 凍乾水果片

隨時帶出街嘅生果～以凍乾(freeze-dried)製作嘅水果片非常方便攜帶，獨立包裝，一包大概係兩份水果，都係勁好味！

4. 唧唧果蓉

自從言妹妹自己拎住果蓉啜，我就好少再自己整果蓉／買樽裝餵佢，細個時一包都頂到一餐下午茶架！

5. 米餅

呢隻日本米餅都係言妹妹大愛～ 細細塊啱哂佢自己拎住食，味道好啖但因為脆卜卜同樣好受小朋友歡迎！

點解我會咁清楚D零食好唔好味？因為我成日都偷食架XD 基本上我揀嘅都係健康低納少添加劑，其實都好適合注重健康嘅女士～

最後一點，揀小朋友零食，唔好淨係睇個產品係咪BB/兒童食品，睇成分同埋營養標籤最實際！成份天然，少用添加劑，自然更健康，可以參考我之前寫嘅文章

Happy reading :)

【Suetlei Mama . 雪梨媽媽】

全職工作，偶爾要出差，大學主修傳理，畢業後跑到慈善機構工作。作為雙職媽媽生活工作兩忙，但發現原來離不開文字，再忙都想記下孩子的成長點滴。自籌備婚禮開始寫Blog，內容由結婚到新婚生活、陀B、湊B、帶B旅行、育兒心得等。

Facebook Page - https://www.facebook.com/suetleimama/

婚禮籌備 · 陀B湊B - http://wow.esdlife.com/suetlei

旅遊Blogs - http://hutchgoer.com/author/suetlei

Contact: suetleimama@gmail.com

更多雪梨媽媽的Blog：http://bit.ly/2uSfb2z