《孕媽媽肚皮彩繪— 獨特方法紀念懷孕時光》by 雪梨媽媽-DayDayCook

肚皮下埋藏活生生的生命，偶爾踢一腳，偶爾轉個身，感覺既神奇又難忘，係陀過BB先會明！

依家好多孕媽媽會影大肚相留念，當年我都諗過，但係因為肥左好多 + 剪了短髮 +好多肚紋 + 言爸話太性感，所以最終無影到。後期咁啱朋友介紹我識香港比較少人做嘅肚皮彩繪(Baby Bump Painting)，言爸又批准，所以我就膽粗粗約左喺38week畫。(諗番轉頭真係隨時生得! 哈哈!)

畫師Fiona係全港第一個Baby Bump Painter，亦曾經多次去歐洲學藝，前排都有幫車婉婉畫：

當時我係Fiona喺香港頭幾個畫嘅媽媽，預約左之後我地就一齊諗點構圖。因為我同言爸由相識到拍拖結婚，曾經一齊搞concert、出CD、作歌，所以好想用音樂做呢幅畫嘅主題。最終幅painting用左言爸嘅紅色電結他配合音符等音樂元素，再加上言妹妹嘅英文名：

我畫嗰時係懷孕後期... 勁多肚紋所以一開始都擔心畫得唔靚，不過原來油哂底色後會遮哂完全唔覺!!我同言爸都好鐘意好滿意呢～

咩係Baby Bump Painting呢?

Face painting大家就聽得多，但原來外國好興喺孕媽媽嘅肚肚上做painting！孕婦一切都會特別小心，所以Fiona強調佢用嘅顏料成分全部經過歐美認證專業安全，唔會影響媽媽/BB，亦好容易洗得甩。

有朋友更喺懷孕唔同階段畫左三次! 由貓頭鷹一個到結婚生BB成為貓頭鷹family

我自己就好鐘意呢種可愛又有靚decoration嘅畫風。下胎要喺未有肚紋時畫！

做Baby Bump Painting注意事項：

(1) 畫肚要約喺36weeks前哦！因為怕BB早左出世畫唔到，畫師都唔想大家失望，所以嗰時我38week畫到真係好好彩！

(2) 當時我book左之後，就會同Fiona傾下我想畫d乜，然後出左幾個草圖俾我揀，好貼心~~

(3) 如果想自己causal影相，可以自己準備適合嘅服裝約上門畫。又或者可以join埋影大肚相package，就包埋衫同化妝。

(4) 以Fiona為例，每次上門畫肚收費由$800-1200不等，視乎圖案複雜性同地點而定。

(5) 畫嘅過程需時1-2小時，所以最好搵個舒服嘅位置哦！

特別鳴謝fiona's face授權提供靚靚肚皮照片

【Suetlei Mama . 雪梨媽媽】

全職工作 . 偶爾要出差 . Part-time讀書 . 80後媽媽一名

大學主修傳理，畢業後跑到慈善機構工作，生活工作兩忙，但發現原來離不開文字。自籌備婚禮開始寫Blog，內容由結婚到新婚生活、陀B、湊B、帶B旅行、育兒心得等。

【生活哲學】

生活再忙，都想記下孩子的成長點滴。

荷包再緊，都想買盡最抵最好的東西(主要)俾囡囡。

更多雪梨媽媽的Blog：http://bit.ly/2uSfb2z