初為人母，一開始對於BB咩階段應該食乜野零認識，行入超市就走去BB食品部按月齡買baby food。後來，有媽媽朋友提醒，不少貴一貴嘅"baby food"都可能有唔適合小朋友食嘅成分！為左囡囡嘅健康，點都要學識幾招揀適合嘅食物俾言妹妹：

1.    「增味劑(味精)、防腐劑、甜味劑、色素」— 盡量唔買
一般包裝食物都有營養標籤，到底成分係咪天然，睇標籤先下定論。基本上見到成分有E+三位數目嘅編碼都係食物添加劑，我都唔會俾阿囡食。

2.    關於Organic
以往供港嘅蔬菜有九成多來自內地，言爸爸因工作曾經到內地的菜場，現況實在好得人驚！所以，就算貴少少都會買Organic菜。近年亦越來越多有機食品店，但到底點先知係咪「真有機」？我問過做本地農夫的朋友，其實單憑外表係好難分，有人話有機菜會醜樣有蟲洞… 但事實上靚嘅有機菜亦可以無窿窿！所以辦別有機食物唯有靠專業認證(eg. 香港有機資源中心(浸大), USDA) 同埋菜場的地點。

3.    納含量、肉類激素
幼兒唔適宜過量攝取納(sodium)，所以坊間有BB鹽、BB豉油產品，甚至有家長堅持唔落鹽。其實適量嘅納對身體無害，家長可以揀低納烏冬、麵食俾小朋友，也可按小朋友年紀開始落少少天然調味料。

另外，現時的農場可以用以往一半嘅時間養大一隻雞！呢D激素對於幼兒嘅影響可能比較深遠，還是盡量選購無激素的肉類(在超市也可買到) 或是可信賴嘅來源(eg. 本地農場)。雖然我覺得好快要接受，我地嘅食物供應係危機重重(好似食街外野，就已經控制唔到..)，但小朋友仲細，都想盡量俾較好嘅食物佢地！

【Suetlei Mama . 雪梨媽媽】

全職工作 . 偶爾要出差 . Part-time讀書 . 80後媽媽一名

大學主修傳理，畢業後跑到慈善機構工作，生活工作兩忙，但發現原來離不開文字。自籌備婚禮開始寫Blog，內容由結婚到新婚生活、陀B、湊B、帶B旅行、育兒心得等。

【生活哲學】

生活再忙，都想記下孩子的成長點滴。

荷包再緊，都想買盡最抵最好的東西(主要)俾囡囡。

Facebook Page - https://www.facebook.com/suetleimama/

婚禮籌備 · 陀B湊B - http://wow.esdlife.com/suetlei

旅遊Blogs - http://hutchgoer.com/author/suetlei

Contact: suetleimama@gmail.com

更多雪梨媽媽的Blog：http://bit.ly/2uSfb2z