生了兩胎, 基本上對很多育兒細節都不再太執著, 亦因為信任, 會放手交俾工人姐姐照顧. 唯獨有一件事最緊張, 就是母乳的處理。

本身是全泵媽, 好多時都是我有我泵, BB有自己飲奶時間. 亦因為是泵媽, 知道滴滴皆珍貴, 所以千叮萬囑不能浪費, 要飲埋最後一滴。

但其實BB已經每天正常三餐吃固體食物, 飲奶只是副食品, 所以胃口時大時細, 好多時一樽奶會分幾次飲。

基於我下了指令不能浪費, 如果一次飲唔完, 工人姐姐順理成章會將剩餘的母乳放進暖奶器, 晏少少再餵。

不過就算鮮牛奶, 或配方奶粉, 都不宜存放過久, 而母乳含有活性營養, 更加不應長時間處於保溫狀態, 除了營養會流失外, 亦容易滋生細菌, 飲了反而無益。

那究竟母乳應該如何存放呢?
 

當然如果BB可以每次飲清一定最好, 所以寧少莫多, 唔夠再添。

而如果飲唔完, 其實並不建議繼續坐暖, 反而應存放於室溫, 並於一兩小時內儘快飲完. 剩下的, 只可忍心倒掉。

所以能埋身餵哺當然最好, 否則最好每餐只預足夠份量, 切勿無限翩熱。

Annie Lee－香港營養師學會 (HKNS) 認可營養師 

家有三寶, 一囡和一對龍鳳胎

任職營養師主管多年, 生Bsss後轉為私人執業營養師. 

身兼多職, 撰寫多個健康專欄, 舉辦健康講座, 為人客提供飲食營養建議,喜歡分享貼地的母嬰和育兒的經驗及營養資訊.

Facebook Page: https://www.facebook.com/AnnieLeeDiet/

更多營養師 Annie Lee的Blog：http://bit.ly/2v3H7zR