有時講產前講座, 通常係媽咪會專心啲, 嗲哋可能會想打瞌睡. 我會專登問啲似是而非的問題等佢地諗吓.
沖奶, 餵奶對於新手爸媽來說是必修科. 雖然話可能會請工人/陪月, 而且又打算餵母乳, 但有呢方面的知識總是好的.
沖配方奶粉究竟是加水先? 定加奶粉先? 例如BB飲4安奶, 究竟是用4安水加奶粉? 定係水 + 奶粉總共埋是4安??
唔好睇少呢幾個簡單問題, 原來好多新手爸媽都唔知.
首先, 沖奶一定是先放水, 後放奶粉, 所以雖然話係沖4安奶, 但沖完支奶其實一定多過4安. 而且沖奶前必須先留意奶粉罐上的指引, 因為有些是一勺1安士水, 有些是一勺30毫升水, 雖然相差很少, 但有幾個品牌是一勺60毫升, 甚至是一勺45毫升 (當然個勺大啲). BB水和奶的比例少少都唔錯得, 所以一定要先看清楚.
#當然母乳是最好的
新手爸媽二三事 – 配方奶粉加水先? 定加奶粉先?
