有時見到偏食的小朋友（有時大人都會）吃煎雙蛋只吃蛋白，留低可憐的兩隻蛋黃，我會有衝動想開口勸佢不如食埋佢。

平時見客，有時都會遇著注重健康的人：唔食肥肉唔食皮，食雞蛋走蛋黃⋯⋯唔知點解依然膽固醇過高。

蛋黃係膽固醇無錯，而且仲幾高，平均一隻蛋黃有約180毫克膽固醇，而成年人每天不應攝取多於330毫克，即每天兩隻蛋黃就已經超標⋯⋯

係，這些資訊曾經都啱，不過係我讀書的年代，即好多年前。
近年，越來越多研究發現，食物中的膽固醇並非誘發我們體內膽固醇超標的最大元兇。反而食物中的飽和脂肪，反式脂肪和糖，更易導致血液中的壞膽固醇（低密度膽固醇和三酸甘油酯）上升。

至於蛋黃，雖然蛋白質不及蛋白豐富，但蘊含更多微量營養素，包括維他命A、B、D、E、鐵、鋅、硒、磷、以及少量奧米加三脂肪酸。而蛋黃的橙黃色亦含有抗氧化物 葉黃素（Lutein）和 玉米黃素（Zeaxanthin），有助保護眼睛視力。

雞蛋，真是一種最經濟，又最營養豐富的食物啊。

所以我常苦口婆心勸注重健康的朋友，可以戒吃其他食物，但唔好戒吃蛋啊，一星期幾隻無問題（除了對蛋有敏感的朋友）。

不過健康的蛋，只限於健康的烹調方法，包括白烚蛋、蒸水蛋，或少油煎蛋炒蛋，但並不包括其他高脂肪的食物，例如腸仔煎蛋、餐蛋麵、雞蛋仔、蛋卷、牛油蛋糕、蛋漿煎年糕等等。

所以新鮮雞蛋是朋友，不是敵人啊～～

Annie Lee－香港營養師學會 (HKNS) 認可營養師 

家有三寶, 一囡和一對龍鳳胎

任職營養師主管多年, 生Bsss後轉為私人執業營養師. 

身兼多職, 撰寫多個健康專欄, 舉辦健康講座, 為人客提供飲食營養建議,喜歡分享貼地的母嬰和育兒的經驗及營養資訊.

Facebook Page: https://www.facebook.com/AnnieLeeDiet/

更多營養師 Annie Lee的Blog：http://bit.ly/2v3H7zR