「小心入風呀!」相信坐月一定聽過。除左出街要奇裝異服包到實一實,亦會有長輩好心勸說,喺醫院忍下唔好沖涼,過十二朝(甚至滿月)先好洗頭。
之前有分享過坐月沖涼洗頭嘅迷思,今次想推介幾款簡易驅風恩物,等忙湊B嘅媽媽都可以錫住自己!
(1) 薑沖涼液
剛剛生完,成身大汗而且身體沾了胎水和血,惡露勁多好唔舒服,所以喺醫院第一晚我就沖涼喇!喺醫院好難預備薑水,所以我帶左用薑造嘅沖涼液,沖完身體會發熱呢~記得沖涼水溫一定一定要夠熱,唔好冷親哦!
(2) 薑粉
到返左屋企,有時間用薑煲水當然好啦,但如果趕時間用薑粉真係好方便,只要加熱水就即刻變薑水!
(3) 坐月浸浴包
到惡露減少而且傷口唔再痛,就可以黎個艾草老薑Spa!將浸浴包浸落熱水再撒玫瑰花真心超舒服超relax呢~~~ 坐完月我都繼續浸佢,因為真係好正!
(4) 薑黃粉
飲食方面,順產媽媽喺十二朝之後傷口又唔痛,就可以食薑幫助驅風。除左炒薑飯,亦可煮薑黃飯,我覺得好好味而且食完真係會幫助排氣哦!食譜可參考錢中醫嘅《杞子薑黃飯》
想知道喺邊度買,可以喺我專頁PM私訊我❤️(留言我未必見到,PM會覆得最快哦!)
Suetlei Mama . 雪梨媽媽
全職工作,偶爾要出差,大學主修傳理,畢業後跑到慈善機構工作。作為雙職媽媽生活工作兩忙,但發現原來離不開文字,再忙都想記下孩子的成長點滴。自籌備婚禮開始寫Blog,內容由結婚到新婚生活、陀B、湊B、帶B旅行、育兒心得等。
Facebook Page - https://www.facebook.com/suetleimama/
婚禮籌備 · 陀B湊B - http://wow.esdlife.com/suetlei
旅遊Blogs - http://hutchgoer.com/author/suetlei
Contact: suetleimama@gmail.com
更多雪梨媽媽的Blog:http://bit.ly/2uSfb2z