1. 奶泵：我有兩部奶泵，所以一部長擺公司，公司呢部奶泵有夾，方便泵奶時夾喺腰間，要行來行去都無問題。

2. 杯型泵奶喇叭：上胎用Freemie，今胎買左The One Cup性價比更高～ 對於無房泵奶嘅媽媽實在太方便！

3. 微波爐消毒袋：Dr Brown’s同Medela都有出，可以加水用微波爐蒸氣消毒泵奶用具。

4. 儲奶袋：因為The one cup不能儲奶，泵完要倒入儲奶袋，不過亦因此非常輕便。

5. 360度遮蓋餵奶巾：市面上好多餵奶巾係圍裙設計，有機會走光，而且外型唔美觀。因為我公司無房泵奶，我亦想泵奶時繼續工作所以會留喺位，x肩設計嘅餵奶巾望落根本唔知我泵緊奶，台灣製造質地亦好舒服！

6. 奶樽清潔液：每次泵完奶我會成set拎去洗手間洗，再放入微波爐袋下次用前消毒。

7. 自製冰種：傳說中嘅「尿片冰種」利用紙尿片嘅吸濕珠珠保冷，效用可以keep 10-12小時，而一般市面買嘅冰種只能keep 6-8小時，而且有時係勁大勁重！

8. 薄身冰袋：因為公司有雪櫃及freezer，可以雪住冰種，所以我返放工只帶輕便冰袋，要出trip先出動大大個嘅母乳專門冰袋，所以平日返工都可以帶手袋！(因為每朝都要送兩個女去嫲嫲度先返工，有時又要出街見客，總唔可以日日孭背囊）

泵奶流程：

1. 用微波爐袋消毒喇叭

2. 用Kitchen towel抺乾

3. 戴上餵奶巾裝好奶泵 (我喺自己位泵奶的)

4. 泵30分鐘 (期間handsfree繼續工作)

5. 成了～ 將珍貴嘅媽媽奶倒入儲奶袋

6. 冰袋放入冰箱，喇叭即時用奶樽清潔液沖洗，放入微波爐袋，下次用前再消毒

7. 下班取出冰種及雪奶放入冰袋

當然大家都要視乎公司嘅配套同返放工 travelling time 再考慮泵奶裝備，希望我呢個輕鬆泵奶kit幫到大家。