有咩慘得過生痱滋？就係生兩粒痱滋喇！雖然生痱滋並非大病，但每次都會痛到生不如死，刷牙、說話、進食都會有影響，若然遇上幾粒痱滋合體，痛楚程度無限UPUPUP！醫生指出痱滋沒有特定成因，當口腔黏膜有破損，身體會有發炎反應，若再感染細菌就會形成痱滋，不過通常都會和免疫力有關，疲勞過度、精神緊張的都市人會更易有痱滋。
相信每一個生過有痱滋的人，都會用盡偏方治療法，為求解決痛到無法形容的口腔之痛，傳說中有不同的解決痱滋方法，你又試過以下哪種？
1. 濃茶漱口，為口腔消炎殺菌，促使傷口癒合
2. 傷口灑鹽，帶走痱滋及口中粘液的細菌
3. 使用含有Chlorhexidine成分的殺菌漱口水，能抑制細菌
4. 搽痱滋膏，痛幾秒就解決問題
5. 食10個奇異果，吸收維他命C
6. 磨碎維他命C片，直接敷在痱滋上消炎
7. 每隔幾個鐘用蜜糖敷一次痱滋
8. 補充維他命B雜，食麥皮、牛奶、肉類、蛋、深綠色蔬菜
不過醫生都提提大家，若果痱滋傷口面積比平時大，而且14天後未有任何康復跡象，傷口凸起成山丘狀，甚至感到有硬塊，則有機會是口腔癌的徵兆，一定要應盡快求診化驗呀～
想吸收更多維他命C，可以試試以下兩個簡單檸檬食譜，幫你同痱滋講ByeBye～
