一講起蚵仔煎就流晒口水，但第一個字諗起就係它很「邪惡」！其實蚵仔同蛋本來都好有營養，只要改良一下，立即變成健康菜式，蚵仔和蛋，你可以演變為「蚵仔焗蛋」或少油快炒版「蚵仔炒蛋」，同樣香口又鮮味。

蚵仔：
蚵仔因為營養價值高，被譽為「海洋的牛奶」，亦是「低脂海產」。富含鐵質及鋅，鐵質能幫助小朋友製造紅血球；而鋅能夠提升孩子抵抗力，而3-5粒蚵仔就能提供一天所需的鋅，來緊流感期都無有怕啦！同時是補充體力的好食材，小朋友有無限能量放電，食蚵仔就可以讓他們補給體力。但切記比小朋友食一定要切或煮熟，避免有寄生蟲。

雞蛋：

雞蛋營養豐富就不用多講，對小朋友來講，蛋可以話係非常有營養的食物，蛋白質促進小朋友的肌肉發展及促進免疫力，蛋黃則含豐富卵磷脂，幫助兒童腦部發育。１歲以上小朋友可以開始把蛋加進他們的三餐中。

兩種食材都有助提升孩子扺抗力，踏入秋季係流感高峰期，不妨試下整來食又能提高抵抗力。如果小朋友不喜歡蚵仔的海水味，用蚵仔煮過的蛋比小朋友食也可以讓他們慢慢接受，同樣也能讓他們淺嚐到蚵仔的營養。唔想食蚵仔煎咁唔健康，自家製個「蚵仔焗蛋」或少油快炒版「蚵仔炒蛋」，一樣可以好香口咁享受蚵仔煎的風味。

高芷欣－專業營養師

現職資深營養師，10年營養諮詢及主講營養講座經驗，曾受電視及電台訪問，編寫兒童或簡易健康食譜。同時專責於食品及保健品進口及註冊

背景：畢業於香港中文大學食品及營養科學課程

Facebook Page: https://www.facebook.com/tyhealthdiary

Instagram: https://www.instagram.com/simplecook_3steps

更多營養師 高芷欣的Blog：http://bit.ly/2wP87VG