同朋友去食雲吞麵，建議兩個人叫碟菜一齊食，佢話：「哎呀，你早說嘛，等我仲加咗紫菜。」

我以為佢說笑，「點同呢，紫菜都唔係菜。」

點知佢突然好認真，「吓？紫菜唔係菜咩？有個菜字，形狀又似。咁紫菜係乜？」

紫菜其實真係唔係菜啊！紫菜雖然含有纖維，但沒有根、莖、葉的植物構造。紫菜其實屬於海藻科，是多細胞的生物。

紫菜是簡單便宜，又營養豐富的食物。除了纖維，還有豐富的營養素，包括蛋白質、葉酸、維他命K、鈣、鐵、鎂、鉀、鋅以及碘，而且不含飽和脂肪、反式脂肪以及膽固醇。

紫菜當中的碘質，有助預防甲狀腺功能異常，亦有助身體製造能量、細胞代謝、胎兒和嬰幼兒生長發育、製造甲狀腺荷爾蒙等。

不過，過量的碘質同樣有機會影響甲狀腺的功能，所以那些一次過愛吃幾十包紫菜的朋友，要忍忍口和忍忍手。而且即食紫菜很高鹽份，吃多會令身體水腫，要多喝水。

紫菜最好的食法最先浸泡沖洗，然後煮湯，例如紫菜蛋花湯、紫菜豆腐湯或紫菜蜆肉湯，亦有其他食法如壽司、雲吞麵加紫菜等，都是快靚正又有營的食法啊～～

Annie Lee－香港營養師學會 (HKNS) 認可營養師 

家有三寶, 一囡和一對龍鳳胎

任職營養師主管多年, 生Bsss後轉為私人執業營養師. 

身兼多職, 撰寫多個健康專欄, 舉辦健康講座, 為人客提供飲食營養建議,喜歡分享貼地的母嬰和育兒的經驗及營養資訊.

Facebook Page: https://www.facebook.com/AnnieLeeDiet/

更多營養師 Annie Lee的Blog：http://bit.ly/2v3H7zR