上回講到啱啱去完東京探我好朋友＂A5＂和牛先生之外，其實仲有一位好朋友我都一定會到訪，就係住向新宿Gumbo & Oyster Bar裏面嘅岩蠔先生喇！
岩蠔係Rock Oyster嘅一種，岩蠔體形巨大，味道比一般日本蠔濃厚肥美。
日本人向Rock Oyster 之中，會再細分為真蠔(Makaki）及岩蠔(Iwakaki）2種
真蠔就有最為人熟悉嘅廣島蠔同向蠔吧一向都好受女仕歡迎嘅Kumamoto，廣島蠔就唔不用多說了，而Kumamoto (熊本蠔)肉質爽口，味道鮮甜，但蠔味較為清淡，沒有法國蠔嘅金屬味/海水味，蠔身細小，約4cm左右，初食生蠔者會容易接受，相反岩蠔身型就大好多，目測一般都有10cm 左右，見過去到13-15幾cm都有, 肉厚肥美，每種岩蠔各有特色，不過因為size偏大所以如非生蠔愛好者就建議唔好急於嘗試。
其實每次過來東京未必次次都遇到好嘅岩蠔，都會講求季節性，如果只有歐美嘅蠔我就通常放棄，因為返香港到有得食la！今次有幸見到3種唔同岩蠔，分別為三重縣、愛媛縣、福岡縣。當然全部試哂佢la，重點係價錢公道，坐底向餐廳好好享受先至講緊係3000¥左右有6隻，今次對6.9即Hkd35＠都唔洗，築地都要呢D價位la係咪！
大家仲等咩？拿拿聲訂機票一齊去蠔一蠔佢la！
閱讀更多Swank's Blog：http://bit.ly/2nlDDJm
