只要用密氣又鎖水的鍋具,就能做到無水煮食的效果。使海鮮煮起來十分鮮甜,原汁原味,10來分鐘就完成喇! 歡迎瀏覽我的臉書:https://www.facebook.com/janjan.kitchen
鮮蜆用鹽水浸1-2小時吐沙,刷淨瀝乾水,下調味料醃一會。海蝦用少許鹽洗淨,剪去頭部尖角、鬚及去腸。白蘿蔔去皮切薄片,豆腐卜汆滾水去點油,順便煮至半軟,不怕油可以省略。
玫瑰鍋下點油,爆香薑片,下蘿蔔略煎至微黃,下豆腐卜,再加入7-8湯匙清雞湯,即大概鍋底有少許就夠,滾起加蓋小火炆煮7分鐘,由於蘿蔔本身會出水,煮至水份差不多蒸發掉,及蘿蔔8成軟身。
開蓋下鮮蜆,無需再添加水分,小火先煮3分鐘後再下海蝦續煮大概2分鐘,至蜆開口及蝦熟即可。有需要可以放少許鹽、糖調味。如果不下蘿蔔,只煮海鮮時間更可縮短。
由於每樣材料煮熟的時間不同,故此才逐步添加。如不介意某些材料煮得過熟的話,可以將所有材料一煲過放入同煮亦無不可。但若然蜆仔同蝦都一齊煮十分鐘就真的太老了,蜆4分鐘已經開晒口,而蝦2、3分鐘已經好熟。
留言