天氣好熱啦…. 中意食D甜甜酸酸惹味少少既野開下胃~~ 因為屋企有pack豬扒,就整下沙拉豬,加埋蜜桃! 整成一口size一啖一舊…方便又正!!! 而且今次用焗爐焗熟豬扒…代替在家半煎炸!! 慳油得黎又可以焗走埋本身D油!!! 最緊要入左焗爐後可以出廳涼下冷氣, 唔使咁熱仲係廚房對住爐頭~hahaha
黑豚豬扒預先用醃料醃4小時
焗爐180C預熱,豬扒放入焗15-18分鐘 (全熟) 蜜桃切片備用 豬扒出爐後,煎/切成細件
預備1個小碗,將沙拉醬調味料拌勻 開鑊,落小小焗豬扒後既油…加豬扒件及沙拉醬炒勻
加蜜桃片,快炒拌勻 食得啦!!!
*用金沙骨做法一樣 *如果無焗爐,可用鑊煎熟,但要清潔左鑊先再炒沙拉醬 *焗爐爐溫個個不同,要自行調節,最好係全熟有少少燶邊 *用BB蛋黃醬應該梗好味,平時食壽司冇用既wasabi,加埋落去,成個味道唔同晒!!!岩晒feel~~~ *沙拉豬最緊要粘滿醬汁,如果中意少醬,可自行調節醬汁份量
留言